Dünya güləş birliyi təsdiqlədi: Tokio olimpiadasına Turan Bayramov yollanır!

İlk olaraq xəbər verdiyimiz kimi, sərbəst güləşdə 74 kq-da Tokio-2020-yə lisenziya qazanan Hacımurad Hacıyev Göygöl olimpiya idman kompleksində hazırlıq zamanı ayağından ciddi zədələndiyi üçün, onun onun olimpiadada çıxışı sual altına düşmüşdü.

Artıq federasiya bu bilgini təsdiqləyib və legionçunun yerinə ötən ay Almaniyanın Dortmund şəhərində gənc güləşçilərin Avropa çempionatında 70 kq-da qızıl medal qazanan Turan Bayramovu məqsədəuyğun bilib.

Dünən həm milli olimpiya komitəsi, həm də dünya güləş birliyi istedadlı bahadırın Yaponiyaya yollanacağını rəsmən təstiqləyib.