Dünya şöhrətli hakimin tələbəsi U-23 dünya çempionatında 3-cü yer tutub

Rumıniyanın paytaxtı Buxarestdə U-23 üzrə dünya çempionatı başlayıb. Allsport.az saytı xəbər verir ki, meydan öncə yunan-Roma güləşçilərinə verilib. İlk 2 yarış gününün nəticəsinə əsasən bizdən 1 nəfər fəxri kürsüyə çıxıb.

İslam Abbasov (87 kq) 3-cü yer üçün tutaşmada 1-ci hissəni 0:3 geridə başa vurmasına rəğmən, növbəti yarıda əzmkarlıq nümayiş etdirib, sona yarım dəqiqə qalmış hesabı bərabərləşdirib. O, xalı sonuncu aldığından, qaydaya görə qalib elan olunub.

Qeyd edək ki, gənc bahadır AGF-in hakimlər kollegiyasının sədri, dünyaca tanınmış hakim Qərib Əliyevin tələbəsi, Sumqayıt məktəbinin yetirməsidir.