Elmar Alıyev: Uğuru beynəlxalq yarışlarda davam etdirməyə çalışacağam

Şüvəlan qəsəbəsində yerləşən Ağır Atletika Akademiyasında keçirilən Azərbaycan çempionatında 56 kq-da qalib adını Elmar Alıyev qazanıb. Allsport.az saytı xəbər verir ki, o, toplam 230 kq (100+130) çəkinin öhdəsindən gəlib.

Yarışdan sonra qalib ağıllıqqaldıran sevincini AAAF TV ilə bölüşüb: “Yarışdakı çıxışımdan razı qaldım, rəqiblərim də əla mübarizə apardılar. Gördüyünüz kimi, çempionat yaxşı təşkil olunub.

Təlim-məşqlərimiz davam edir. Hədəf beynəlxalq turnirlərdə uğurlu çıxışdır. İnşAllah, sonda hər şey yaxşı olar”.