“Əsas gücümü bu yarışa yönəltmişdim”

Tiranada keçirilən Avropa çempionatında qadın güləşində millinin kapitanı Jalə Əliyeva (57 kq) 3-cü yer uğrunda qarşılamada belaruslu rəqibini tam üstünlüklə yendi. Allsport.az saytı xəbər verir ki, o, mükafatlandırmadan sonra Albaniya paytaxtına səfər edən azərbaycanlı idman yazarlarına çıxışını dəyərləndirdi:

“Əslində, yarışa çox ciddi hazırlaşmışdıq. Məqsədim çempion olmaq idi. Ötən qitə çempionatının yarımfinalında zədələndim, qabırğam sındı, medal qismət olmadı. O üzdən, əsas gücümü bu yarışa yönəltmişdim. Bu sınaqda müəyyən səhvlərim oldu. Həmin səbəbdən finala yüksələ bilmədim. Səhvlərin üzərində işləyib gələcəkdə bir daha bunlara yol verməməyə çalışacağam, Allah qoysa”.

Kamran HACI, Tirana