YENİLƏNDİ

Əbubəkr Abakarov medal fürsətini saxladı

Bu gün Macarıstan paytaxtı Budapeştin “Laslo Papp” idman sarayında güləş üzrə dünya çempionatı başladı. Allsport.az saytı xəbər verir ki, yarışın ilk günündə 4 çəkidə (61, 74, 86 və 125 kq) “sərbəstlər” mübarizəyə apardı. Millimiz rəqabətə uğursuz  start verdi. Komandamızdan yalnız Əbubəkr Abakarov 2 görüşdə ardıcıl qələbə qazandı. O, bürünc medal fürsətini saxlayır. Çünki yenildiyi bahadırlar finala çıxdı.
Görüşlər hər gün Bakı vaxtı ilə 12.30-da başlayacaq. Sabah saat 18:45-də dünya çempionatının açılışı olacaq.

61 kq
1/8 final: Pərviz İbrahimov – Kazuya Koyanaqi (JPN) 4:9
1/16 final: Pərviz İbrahimov – Skott Şiller (CAN) 8:6

74 kq
1/4 final: Əbubəkr Abakarov – Aftandil Kentçadze (GEO) 2:5
1/8 final: Əbubəkr Abakarov – Mandaxnaran Ganzoriq (MGL) 6:5
1/16 final: Əbubəkr Abakarov – Hanok Raşamin (İSR)

86 kq
1/16 final: Murad Süleymanov – Dauren Kruqliyev (RUS)

125 kq
1/16 final: Camaləddin Məhəmmədov – İbrahim Səidov (BLR)

Kamran HACI, Budapeşt