- Baxış sayı: 40
- 03 May 2024 17:00
- Baxış sayı: 76
- May 03, 2024
- 0
İstanbulda Yaşar Doğunun xatirəsinə sərbəst və qadın güləşçilərin 45-ci beynəlxalq turniri keçirilib. Allsport.az saytı xəbər verir ki, baş məşqçi Firdovsi Umudov, məşqçilər Əsgərxan Novruzov və Rövşən Hacıyevin rəhbərliyi ilə bizdən 5 bahadırımız mübarizə aparıb; onlardan 3-ü yarışı medalla başa vurub.
Qızıl medalları millimizə Qalib Əliyev (61 kq) və Aslanbəy Alborov (97 kq) qazandırıblar. Hər 2 güləşçimiz finalda Türkiyə təmsilçisini üstələyiblər. 57 kq-da Mahir Əmiraslanov gümüş medalla kifayətlənib.
Komanda hesabında yığmamız Türkiyə və Rusiyadan sonra 3-cü olub. Görüşlərin idarə edilməsində ölkəmizi 2-ci dərəcəli beynəlxalq hakim Vüqar Şükürov təmsil edib.