Firdovsi Umudovlu millimiz Tiflis Qızıl qran-prisindən 2 qızıl, 1 gümüş və 1 bürünc medalla qayıdıb

Tiflisdə Qızıl qran-prinin mərhələsi başa çatıb. Allsport.az saytı xəbər verir ki, baş məşqçi Firdovsi Umudov və məşqçi Arif Abdullayevin rəhbərliyi ilə turnirdə iştirak edən sərbəst güləş millimiz 2 qızıl, 1 gümüş və 1 bürünc medal qazanıb.

Qalib Əliyev (61kq) və Aleksandr Qostiyev (86 kq) bütün rəqiblərindən üstün olublar. Mircəlal Həsənzadə (57 kq) 2-ci olub. Hər üç güləşçimiz finalda yerli pəhləvanlarla qarşılaşıblar.

Bürünc mükafatı bizə 70 kq-da Coşqun Əzimov qazandırıb. Həlledici görüşdə o, komanda yoldaşı Teymur Məmmədovdan üstün olub.

Görüşlərin idarə edilməsində ölkəmizi beynəlxalq dərəcəli hakim Vaqif Zeynallı təmsil edib.