Gənc sərbəst güləşçiləriniz qitə birinciliyində 2 qızıl, 1 gümüş və 1 bürünc medal qazanıb

İspaniyanın Pontevedra şəhərində gənc güləşçilərin Avropa birinciliyi sona yetib. Allsport.az saytı xəbər verir ki, yarışın son günlərində meydan “sərbəstlər”ə verilib. Bu növdə komandamız çox uğurlu çıxış edib.

Buenos Ayres -2018 yeniyetmələrin yay olimpiya oyunlarının qalibi Turan Bayramov (65 kq) bu rəqabətdə də bütün görüşləri üstün bitirib. Eyni nəticəni 79 kq-da Əbubəkr Abakarov da göstərib.

Millimiz sonradan daha 2 medal qazanıb. Əshab Həmzətov (92 kq) 2-ci, İslam Abuyev (125 kq) 3-cü olublar.