Gənc voleybolçular Türkiyədə hazırlığa yekun vurublar

Mayın 20-22-də Kosovoda qitə çempionatının II təsnifatında iştirak edəcək gənc voleybolçulardan ibarət Azərbaycan millisi təlim-məşq toplanışını başa vurub. Allsport.az saytı xəbər verir ki, aprelin 29-da Bakıda başlayan hazırlığa Türkiyədə yekun vurulub.

Baş məşqçi Eldar Əliyevin rəhbərlik etdiyi komanda qardaş ölkədə yerli yığma ilə də gücünü yoxlayıb. “Ay-ulduzlular”la keçirilən 2 görüşdə rəqib qələbə qazanıb.

Beləliklə, 20 günlük təlim-məşq toplanışını yekunlaşdıran milli komanda bu gün Türkiyədən birbaşa Kosovoya yollanacaq.