Gənclər və idman nazirliyinin məkanında faciə: Tanınmış diktor iş başında keçindi

Ramiz Qafarov, GİN-in voleybol mərkəzində kişilər arasında Çağırış kubokunun 1/32 finalının cavab oyunu çərçivəsində bu gün “Xarı Bülbül Şuşa” – “Spartak” (Miyava, Slovakiya) görüşü zamanı iş başında infarkt keçirib.

Allsport.az saytı xəbər verir ki, onu təcili tibbi maşında dövlət gömrük hospitalına aparıblar. Diktora müdaxilə olunsa da, həyatını xilas etmək mümkün olmayıb.

O, eyni zamanda “Qarabağ” futbol klubunun ev oyunlarının aparıcısı idi.