Hacı Əliyevdən rekord: 4-cü dəfə Avropa çempionu oldu!

Xorvatiya paytaxtı Zaqrebdə qitə çempionatı davam edir. Allspot.az saytı xəbər verir ki, yarışın 2-ci günündə sərbəst güləş millimizin öndəri Hacı Əliyev yeni çəkisində (70 kq) baş mükafata yiyələnib.

2-qat olimpiya mükafatçısı finalda Bolqarıstanı təmsilçisi Ramazan Ramazanovu 10:3 qalib gəlib. 4-cü dəfə Avropa çempionu olan idmançımız, bununla da sözü gedən güləş növündə rekord edib. 

O, 2014-cü ildə 61 kq-da, 2018 və 2019-cu illərdə 65 kq-da fəxri kürsünün ən yüksək zirvəsinə çıxıb.