İbrahim 2-qat dünya çempionu oldu! Oyan 3-cü yer tutdu

Türkiyədə çimərlik güləşi üzrə mövsümə yekun vurulub. Allsport.az saytı xəbər verir ki, Muğla bölgəsinin Sarıgerme qəsəbəsində keçirilən dünya sıralamasının finalında 90 kq-da İbrahim Yusubov (şəkildə solda) gümüş medal qazanıb. 70 kq-da Ramiz Həsənov (şəkildə sağda) ilə Oyan Nəzəriani (+90 kq) 4-cü yeri tutub.

5 mərhələsinin yekununa əsasən, 90 kq-da hamıdan çox xal toplayan adı ilk çəkilən idmançımız titulunu qoruyub və ardıcıl 2-ci dəfə dünya çempionu olub!

Öncəki dünya çempionatlarında qızıl və gümüş medal qazanmış Nəzəriani (+90 kq) medal kolleksiyasını tamamlayıb və bu dəfə bürünc medala sahib çıxıb. Ramiz Həsənov (70 kq) isə yekunda 4-cü yeri tutub.

Çimərlik güləşi üzrə millinin baş məşqçisi kimi də fəaliyyət göstərən Oyan Nəzəriani bu yarışda idmançı karyerasını başa vurub.