Arif Abdullayev: “İlk dəfə komanda hesabında Avropa çempionu olduq”

Bolqarıstanın Plovdiv şəhərində U-23 Avropa çempionatının qalibi olan sərbəst güləşçilərimiz bu gün Vətənə qayıdıb. Allsport.az saytı xəbər verir ki, millinin məşqçisi Arif Abdullayev yarış haqqında bunu deyib:

“Əvvəlcə bütün idmansevərləri və Azərbaycan xalqını təbrik edirəm. U-23 Avropa çempionatında çıxış edən 9 idmançımızdan 7-si medal qazandı. İlk dəfə komanda hesabında Avropa çempionu olduq.

Macarıstanın paytaxtı Budapeştdə keçiriləcək böyüklərin Avropa çempionatında bu heyətdən 2-3 nəfər də iştirak edəcək”.