İslam “bürünc”lə kifayətləndi

Varşavada güləş üzrə “Poland Open” turniri sona çatıb. Allsport.az xəbər verir ki, sonuncu yarış günündə 60, 63, 72, 87 və 97 kq-da çıxış edən yunan-Roma güləşçiləri mübarizəyə qoşulub.

Bu yarışda İslam Abbasov (97 kq) təsnifat mərhələsində Türkiyə təmsilçisinə qalib gəlib. Həmyerlimiz 1/4 finalda İran idmançısına məğlub olub. Rəqib finala yüksəldiyi üçün Abbasov təsəlliverici görüşə çıxıb və danimarkalı rəqibi üzərində inamlı qələbə qazanıb. Son qarşılaşmada yerli pəhləvanı üstələyən İslam bürünc medal əldə edib.

97 kq
Təsnifat:  İslam Abbasov – İbrahim Tığcı (Türkiyə) 5:1
1/4 final: İslam Abbasov – Mehdi Məhəmməd Balihamzadə (İran) 5:8
Təsəlliverici görüş: İslam Abbasov – Matias Bak (Danimarka) 7:2
Bürünc medal görüşü: İslam Abbasov – Gerard Kurniçak (Polşa) 4:0