Kayak və kanoeçilərimiz 2-ci dünya kubokunda

Çexiy Respublikasının Raçitse şəhərində kayak və kanoe üzrə 2-ci dünya kubokuna start verilib. Allsport.az saytı xəbər verir ki, nüfuzlu reqatada Azərbaycanı 3 idmançı təmsil edir.

Kanoeçilərdən Aleksey Kupin 1-nəfərlik qayıqla 500 metr, 1000 metr və 5000 metr məsafələrə yürüşlərə qatılacaq. Nikita Sablin isə 1-nəfərlik qayıqla 200 metr məsafəyə yürüşdə iştirak edəcək.

Yeganə kayakçı İnna Osipenko Radomskaya 1-nəfərlik qayıqla 200 metr və 500 metr məsafələrə yürüş edəcək.

Qeyd edək ki, 1-ci dünya kubokunda Azərbaycan millisi 2 medal qazanıb. Osipenko-Radomskaya 200 metr məsafəyə yürüşdə gümüş, 500 metr məsafəyə yürüşdə isə qızıl medala yiyələnib.