Kişi həndbolçular Avropa çempionatının ilkin ələməsinə qonşu ölkədə hazırlaşır

Allsport.az saytı xəbər verir ki, “AHF arena”da toplanışa 16 nəfər qatılıb. Məşqlər seçmə komandanın baş məşqçisi Nasser Salimi və onun köməkçisi Rəşad Hüseynovun rəhbərliyi ilə həyata keçirilir.

Dekabrın 8-dən etibarən Gürcüstana yollanan millimiz, növbəti hazırlığı qonşu ölkədə keçirəcək. Dekabrın 16-dək davam edəcək toplanışda komandamız “Dostluq” turnirində iştirak edəcək.

Azərbaycan millisi Bakı idman sarayında keçiriləcək təsnifat mərhələsinə yanvarın 13-də Malta seçməsi ilə oyunla start verəcək. Ertəsi gün Böyük Britaniya ilə görüşəcək. Yanvarın 15-də Kipr kollektivi ilə üz-üzə gələcək.