Litva idman universiteti ilə əməkdaşlıq

Mayın 18-də Azərbaycan dövlət bədən tərbiyəsi və idman akademiyasında Litva idman universitetinin rektoru professor Diana Reklaytiyene ilə görüş keçirilib.

Allsport.az saytı xəbər verir ki, söhbət zamanı qonağa AzDBTİA-nın fəaliyyətindən bəhs edən film nümayiş etdirilib, sonra elmi-tədris laboratoriyası və multimedia mərkəzinə baxış keçirilib.

Ona hər 2 mərkəzin fəaliyyət istiqaməti barədə məlumat verilib, tələbə mübadiləsi, ikili diplom proqramları, elmi-tədris fəaliyyətinin birgə və səmərəli təşkili məsələləri müzakirə olunub.

Görüşün sonunda əməkdaşlıq müqaviləsi imzalanıb.