Mariya Stadnik: Rəqibimi yaxşıca təhlil etmədim

«Yarımfinala qədər yaxşı gəldim. Rəqiblərimi böyük hesabla üstələdim. Ola bilər, 1/2 finalda nisbi yorğunluq öz göstərdi. Bir də polşalı rəqibimi lazımınca dəyərləndirmədim, görüşlərini yaxşıca təhlil etmədim».

Bunu allsport.az-a açıqlamasında Mariya Stadnik (48 kq) dedi. Özbəkistan paytaxtında təşkil olunan dünya çempionatında bürünc medalı qazanan güləşçi, əsas mövsümü zirvədə bitirməməsini ailəsində kədərlə əlaqələndirdi:

«Bir qədər öncə atam rəhmətə getdi. Sonra xstələndim. Bunlar da dünya çempionatında çıxışıma təsir etdi. Amma hələ heçnə bitməyib. Qarşıda yeni hədəf var. Gələn il Bakıda keçiriləcək ilk Avropa oyunlarını qazanmaq istəyirəm».