“Mersedes” yanacaq seçimində səhvə yol verib

“Mersedes” yanacaqla təmin edən “Petronas” 2026-cı il üçün yanacaq komponentinin seçimində səhvə yol vermiş ola bilər.

Allsport.az xəbər verir ki, “Petronas” bioyanacağa, digər təchizatçılar isə sintetik yanacağa üstünlük verib. Hər ikisi lazımi ekoloji tələblərə cavab verir, lakin bioyanacaq rəqiblərindən daha pis səmərəlilik göstərir.

Laboratoriya tədqiqatları göstərir ki, sintetik yanacaqlar daha səmərəlidir və bu, performansa təsir edə bilər. Belə giriş məlumatları ilə bioyanacaq daha aşağı sürətə, motorun elektrik komponentindən daha az enerji çıxışına və nəticədə daha yüksək istehlaka malik olacaqdır.