Milli hazırlığı davam etdirir

Kişi voleybolçulardan ibarət Azərbaycan komandası Avropa çempionatının seçmə mərhələsinə hazırlıqları davam etdirir.

Allsport.az xəbər verir ki, milli 2026-cı ildə baş tutacaq qitə birinciliyinin seçmə mərhələsi çərçivəsində təlim-məşq toplanışına iyulun 15-də başlayıb. Hazırlıq prosesi GİN-in voleybol mərkəzində keçirilir. Fərid Calalovun rəhbərlik etdiyi yığmamıza ümumilikdə 14 voleybolçu cəlb olunub.

Milli seçmə mərhələdə Belçika və Avstriya kollektivləri ilə qarşılaşacaq. Komanda avqustun 13-də səfərdə Belçika, avqustun 16-da isə Bakıda Avstriya seçmələri ilə üz-üzə gələcək.

Avropa voleybol konfederasiyasının təqviminə əsasən, bu mərhələnin ilk oyunları 2024-cü ilin avqust ayında keçirilib.