Millimiz Gürcüstana yollandı

18 yaşadək voleybolçu oğlanlardan ibarət Azərbaycan millisi bu gün Gürcüstanın Telavi şəhərinə yola düşüb.

Allsport.az xəbər verir ki, Cəlil Baxtiozinin rəhbərlik etdiyi komanda dekabrın 5-9-da Şərqi Avropa voleybol zonal assosiasiyası (EEVZA) çempionatında mübarizə aparacaq. 

Yığmamız ev sahibi ilə yanaşı, Polşa, Ukrayna, Latviya və Estoniya ilə üz-üzə gələcək.

Yığmamız ilk matçını dekabrın 5-də Polşa komandasına qarşı keçirəcək.