Növbəti 2 tur “Sərhədçi”də

Kişi voleybolçuların yüksək liqasında növbəti turların keçirilmə yeri və vaxtı dəqiqləşib. Allsport.az saytı xəbər verir ki, fevralın 23-də VII turda saat 15:00-da “Neftçi” – MOİK üz-üzə gələcəklər. Ardınca, saat 17:00-da “Ekspress” – “Murov” matçı başlayacaq.

Fevralın 27-də isə VIII tur çərçivəsində ilk olaraq meydana “Sərhədçi” və “Neftçi” komandaları çıxacaq. Oyun saat 15:00-da start götürəcək. Bu qarşılaşmadan 2 saat sonra MOİK – “Ekspress” görüşü olacaq.

Hər 2 tur “Sərhədçi” olimpiya-idman mərkəzində keçiriləcək.