Növbəti mərhələ Bosniyada

Qadın voleybolçulardan ibarət Azərbaycan millisi Avropa çempionatına hazırlığın növbəti mərhələsini ölkə xaricində davam etdirəcək. Allsport.az saytı xəbər verir ki, məqsədlə komandamız bu gün geniş heyətlə Bosniya və Hersoqovinaya yola düşüb.

Ataman Güneyligilin rəhbərlik etdiyi yığmamız Zenitsa şəhərində bir həftəlik təlim-məşq toplanışı keçəcək.
Buradakı hazırlıqlar çərçivəsində yerli seçmə ilə bir neçə yoldaşlıq görüşü də nəzərdə tutulub.

İyulun 24-də isə millimiz Bakıya qayıdacaq və hazırlığı paytaxtda davam etdirəcək.