Ölkə bahadırları öz aralarında ən güclülərini seçir

Bakı İdman Sarayında güləşçilərin ölkə çempionatı başlayıb. Allsport.az saytı xəbər verir ki, yarışın ilk günündə 57, 61, 65, 70 və 74 kq-da “sərbəstlər” mübarizə aparırlar.

Yanvarın 13-dək davam edəcək rəqabətdə ilk 3 yeri tutanlar AGF tərəfindən müvafiq diplom, medal və pul mükafatı ilə təltif olunacaq, həmin güləşçilər ölkə yığmasının heyətinə cəlb ediləcək və il ərzində komandanın iştirak edəcəyi beynəlxalq yarışlarda ölkəmizi təmsil etmək imkanı qazanacaqlar.