Pəhləvanlarımız Dağıstanda toplaşdı

Noyabrın 1-dən 7-dək Serbiyanın paytaxtı Belqradda 23 yaşadək güləşçilərin dünya çempionatı keçiriləcək.

Allsport.az xəbər verir ki, mundialda iştirak edəcək sərbəst güləşçilərimiz oktyabrın 18-dən Dağıstanın Xasavyurt şəhərində yerli pəhləvanlarla birgə təlim-məşq toplanışı keçir. Baş məşqçi Namiq Abdullayev, böyük məşqçi Zəlimxan Hüseynov və məşqçi Arif Abdullayevin rəhbərliyi altında baş tutan hazırlıq prosesi noyabrın 3-dək davam edəcək.

Sərbəst güləşçilər DÇ-də noyabrın 5-dən 7-dək mübarizə aparacaq.