Piterdən 3 “gümüş”lə

Sankt-Peterburqda akrobatika üzrə turnir keçirilib. Allsport.az saytı xəbər verir ki, gimnastlarımız yarışı 3 medalla başa vurublar. Beynəlxalq arenada ilk addımlarını atan qarışıq cütlük – Samirə Rüstəmova və Rauf Cabbarov (11-16 yaş kateqoriyası) 80.800 xal qazanaraq 2-ci olublar.

13-19 yaşda mübarizə aparan kişi cütlüyümüz Murad Rəfiyev və Daniel Abbasov gümüş medala (83.360 xal) sahibləniblər.

Komandamızın hesabına növbəti etni mükafatı 12-18 yaş dərəcəsində Leyla Bəşirova, Nəzrin Fərmanova və Mənsumə Məmmədzadədən ibarət qrupumuz yazdırıb. Qızlarımız 82.850 xal toplayıblar.