Qadın güləşçilərimizin İsveç sınağı

14-15 fevralda İsveçin Klippan şəhərində qadın güləşi üzrə açıq beynəlxalq turnir keçiriləcək. Allsport.az saytı xəbər verir ki, milli komandamız yarışda tam heyətlə iştirak edəcək.

Baş məşqçi Semyon Çterev və böyük məşqçi Konstantin Konorevin rəhbərliyi ilə Skandinaviyaya Mariya Stadnik (48 kq), Anjela Doroqan (53 kq), İrina Netreba (58 kq), Yuliya Ratkeviç, Natalya Sinişin (hər ikisi – 60 kq), Raqnetta Qurbanzadə (63 kq), Nadya Muşka Sementsova (69 kq) və Gözəl Zutova (75 kq) yollanacaqlar.

Görüşlərin idarə edilməsində beynəlxalq dərəcəli hakimimiz Rövşən Azadov da yer alacaq.

Həmin kateqoriyadan