Qadın millimiz Slovakiya voleybolçularını çətinlik çəkmədən üstələyib

Qadın voleybolçularımız növbəti yoxlama matçını keçirib. Allsport.az saytı xəbər verir ki, Sloveniyada Qızıl Avropa liqasına hazırlaşan Faiq Qarayevin komandası bu dəfə slovakiyalı həmkarlarını sınağa çəkib.

Millimiz çətinlik çəkmədən qələbə qazanıb – 3:0 (25:19, 25:14, 25:12). Mayın 16-dək Mariborda təlim-məşq toplanışında olacaq yığmamızın Sloveniya və Xorvatiya ilə yoxlama oyunları da nəzərdə tutulub.