Qitə çempionatında hansı ağırlıqqaldıranlarımız mübarizə aparacaq?

6-13 apreldə Gürcüstanın Batumi şəhərində ağırlıqqaldıranların Avropa çempionatı keçiriləcək. Allsport.az saytı xəbər verir ki, 42 ölkədən 401 azmanın (187 qadın və 214 kişi) iştirak edəcəyi yarışda bizimkilər də məharətlərini göstərəcəklər.

Asif Məmmədovun rəhbərliyi altında körpücük üzərinə qalxacaq millimizin heyəti belədir: Kənan Xəlilov (73 kq), Kənan Əliquliyev (81 kq), Nailxan Nəbiyev, Kamran İsmayılov (hər ikisi – 96 kq), Əliş Nəzərov (102 kq).