«Rabitə» CEV kubokunda Fransa klubu ilə qarşılaşacaq

Bu gün Lüksemburqda qadın voleybolçuların CEV kubokunun «Çelenc raund»unda «Rabitə»nin rəqibi müəyənləşib.

Allsport.az saytı xəbər verir ki, uzun aradan sonra ilk dəfə Avropa Çempionlar Liqasında mərhələ adlaya bilməyən «mavi-yaşıllar», qrupda 3-cü yer tutmaqla qitənin 2-ci nüfuzlu yarışında mübarizə aparmaq hüququ qazanıb.

Qalib olmaq üçün 8-qat ölkə çempionu ilk öncə Fransanın «Beziers» klubunu mübarizədən kənarlaşdırmalıdır. İlk matç 3-5 martda, cavab oyunu bir həftə sonra keçiriləcək.