Sərbəst güləş millimiz dünya kubokuna Türkiyədə hazırlaşır

Dekabrın 12-dən 18-dək Serbiya paytaxtı Belqradda güləş üzrə fərdi dünya kuboku keçiriləcək. Allsport.az saytı xəbər verir ki, yarışda ölkəmizi təmsil edəcək “sərbəstlər” Türkiyədə təlim-məşq toplanışı keçir. Qardaş ölkənin komandası ilə birgə baş tutan hazırlıq dekabrın 1-də start götürüb.

Baş məşqçi Namiq Abdullayev və böyük məşqçi Zəlimxan Hüseynovun rəhbərliyi ilə Anqarada həm fiziki, həm də taktiki-texniki üzərində çalışılır. 2 ölkənin millisinin birgə təlim-məşq toplanışı dekabrın 14-dək davam edəcək.

Fərdi dünya kubokunda sərbəst güləşçilər yarışın son günlərində (16-18 dekabr) mübarizə aparacaq.