Sərbəst güləş millimizin yeni kapitanı Şərif Şərifov oldu

Məlum olduğu kimi, sərbəst güləş üzrə millimizin kapitanı Cəbrayıl Həsənov idmançı karyerasını bu gün rəsmən başa vurub. Allsport.az saytı xəbər verir ki, AGF-in prezident əvəzi Namiq Əliyevin müvafiq əmrinə əsasən o, gənclərdən ibarət yığmaya böyük məşqçi təyin olunub. 

Titullu bahadırın yerinə yığmada kapitan vəzifəsi olimpiya, dünya və Avropa çempionu Şərif Şərifova tapşırılıb. O bu nəticəyə nail olan yeganə güləşçimizdir. Cəbrayıl Həsənovdan öncə bu etimad uzun müddət Xetaq Qazyumova həvalə edilmişdi. 

Yeni kapitanın şəxsi məşqçisi AGF-in vitse-prezidenti Firdovsi Umudovdur.