Sərbəst güləş millisinin 2 üzvü cərrahiyyə edilib

Allsport.az saytı xəbər verir ki, Avropa 2-cisi və U-23 dünya çempionu Turan Bayramov sentyabrın 4-də sol çiynindən, Avropa çempionu və U-23 dünya çempionu Əliabbas Rzazadə isə sentyabrın 10-da həm sol çiynindən, həm də sol biləyindən əməliyyat olunub.

Hər 2 cərrahiyyəni “Liv Bona Dea” hospitalının baş həkimi Elxan Qasımov həyata keçirib. Adı ilk çəkilən idmançının 5, digərinin 6 aydan sonra yığmaya qoşulacağı gözlənilir.