“Şah” koman yoldaşının uğurunu yüksək qiymətləndirib

“Bu il bizim ilimizdir. Təbriklər, Tima. Təbriklər, qardaş! Uğurların davamı gələr, Allah qoysa”.

Allsport.az saytı xəbər verir ki, bu sözü hazırda ölkəmizin ən reytinqli şahmatçısı olan Şəhriyar Məmmədyarov deyib. O, “Airthings masters” onlayn turnirində Teymur Rəcəbovun çempionluğunu yüksək qiymətləndirib:

“2021-ci ilin Azərbaycan şahmatı üçün uğurlu olduğunu deməyimizə 3 gün bəs elədi. Teymur turniri möhtəşəm keçirdi, hamını birnəfəsə məğlub etdi. Bir daha səninlə qürur duydum, Tima. Ardı gəlsin”.