«Smoha» qalib gəldi, həmyerlimiz oynamadı

Milli komandamızın voleybolçusu Vüqar Bayramovun Misir Superliqasında formasını geyindiyi «Smoha» klubu dünən növbəti oyununu keçirib.

Allsport.az saytı xəbər verir ki, İsgəndəriyyə təmsilçisi 11 turda evdə «Domahnur» komandası ilə görüşüb. Matç 3:0 «ağ-göylər»in qələbəsi ilə tamamlanıb.

Bu görüşdə də həmyerlimiz forma geyinməyib. Belindəki zədə səbəbindən Vüqar Bayramov son 2 görüşü buraxmalı olub. İlk dövrədə «Smoha» 11 oyundan 8-ni qalib gəlib. Növbəti mübarizə fevralın 25-də başlayacaq.