«Smoha»nın qələbəsində millimizin voleybolçusunun 16 xal payı

Milli komandamızın voleybolçusu Vüqar Bayramovun Misir Superliqasında şərəfini qoruduğu «Smoha» klubu dünən növbəti matçına çıxıb.

Allsport.az saytı xəbər verir ki, İsgəndəriyyə təmsilçisi 13-cü turda evdə «Sportinq» komandası ilə qarşılaşıb. Matç 3:1 həmyerlimizin formasını geyindiyi kollektivin xeyrinə bitib.

Hazırda «Smoha» maksimum nəticə ilə yarış cədvəlində liderliyini davam etdirir. Millinin voleybolçusu saytımıza verdiyi açıqlamada deyib ki, rəqib çox güclü idi. Bu görüşdə o, komandasına 16 xal qazandırıb.