Təxirə salınmış oyunların vaxtı

Qadın və kişi voleybolçular arasında yüksək liqalarda təxirə salınan II turun oyunlarının keçirilmə yeri və vaxtı dəqiqləşib. Allsport.az xəbər verir ki, bu qarşılaşmalar yanvarın 22-nə təyin olunub.

Həmin gün ilk olaraq qadın voleybolçuların Yüksək Liqasında təxirə salınan “Murov” – UNEC matçı baş tutacaq. Görüş saat 16:00-da start götürəcək.

Eyni gündə kişi voleybolçuların yüksək liqasında II turun təxirə salınan “Neftçi” – “Xarı bülbül” oyunu da keçiriləcək. Bu qarşılaşma isə saat 18:00-da başlanacaq. Hər iki görüş voleybol mərkəzində təşkil olunacaq.

Bu oyunların yanvarın 12 və 13-də keçirilməsi nəzərdə tutulsa da UNEC və “Neftçi” klublarının bir çox voleybolçusunun qrip və yüksək hərarətdən əziyyət çəkməsi səbəbindən təxirə salınmışdır.