“Telekom” uduzsada, liderliyini qorudu

Qadın voleybolçularından ibarət “Telekom”  klubu Türkiyənin Bursa şəhərində Çingiz Göllünün xatirəsinə həsr olunan beynəlxalq yarışda növbəti oyununu keçirib. Allsport.az saytı xəbər verir ki, Azərbaycan təmsilçisi turnirin 4-cü turunda Fransanın “Kann” klubu ilə qarşılaşıb.

Gərgin mübarizədə rəqib tay-brekdə bizi üstələyib – 3:2. Məğlubiyyətə baxmayaraq, “rabitəçilər” 1 xal qazanmaqla, qrupda liderliyini davam etdirrilər.

Buna qədər “Telekom”   Türkiyənin “Bursa Böyükşəhər Bələdiyyəspor”, “Qalatasaray” klublarına qalib gəlib, Polşa “Atom”una uduzub.

Bakılılar oktyabrın 7-də Rusiyanın “Proton Saratov” kollektivi ilə üz-üzə gələcək. Turnirdə ən çox xal toplayan komanda yarışın qalibi elan ediləcək.