Toydan birbaşa milliyə çağırıldı: dostları pasportunu almağa getdilər, həyat yoldaşı isə çantalarını yığdı

Ötən bazar günü Edersonun Braziliyanın dünya çempionatı heyətinə çağırılması oyunçunun özü də daxil olmaqla bir çoxları üçün gözlənilməz olub.

Allsport.az saytı xəbər verir ki, Karlo Ançelotti Ueslini zədə səbəbindən itirib və onu “Atalanta”nın yarımmüdafiəçisi ilə əvəz etmək qərarına gəlib. Lakin Ederson hadisələrin bu cür dönüşünə hazır deyildi.

Oyunçu doğma şəhəri Kampo Qrandedə, Mato Qrosso-du-Sul əyalətində istirahət edirdi. Şənbə axşamı o, hazırda Meksikanın “Tiqres” klubunda oynayan Romulonun toyunda iştirak edib.