U-15 qitə birinciliyində yunan-Roma güləşçilərimiz 2 qızıl, 1 gümüş və 3 bürünc medal qazanıblar

Polşanın Krakov şəhərində 15 yaşadək güləşçilər arasında Avropa birinciliyinə yekun vurulub. Allsport.az saytı xəbər verir ki, yunan-Romada Fərahim Mustafayev (38 kq) və Təvəkkül Həziyev (48 kq) bütün rəqiblərinə qalib gəliblər.

Cocu Səmədov (75 kq) gümüş, Rahim Həsənov (38 kq), Pərviz Dadaşov (41 kq) və Fərid Xəlilov (52 kq) bürünc medal qazanıb.

Yığmamız komanda hesabında Avropa 3-cü olub.