U-23 dünya çempionatı ərəfəsində

Oktyabrın 23-dən 29-dək Albaniyanın paytaxtı Tiranada güləş üzrə U-23 dünya çempionatı keçiriləcək.

Allsport.az saytı xəbər verir ki, yarışda ölkəmizi təmsil edəcək milli komandalarımız son təlim-məşqi keçir. Sərbəst güləş üzrə yığmamız oktyabrın 4-dən Rusiyada hazırlığa başlayıb. Vladiqafqaz toplanışı ayın 18-dək davam edəcək.

Yunan-Roma və qadınlardan ibarət komandalarımız isə dünya çempionatına Bakıda hazırlaşır. Məşqlər Azərbaycan güləş federasiyasının təlim-məşq bazasında keçirilir.