“Ümid edirəm ki, bu dəfə də yaxşı mübarizə ilə yadda qalacağıq”

Bu gün Suqovuşanda ümummilli lider Heydər Əliyevin 101-ci ildönümünə avarçəkmə üzrə “Prezident kuboku” start götürdü. Allsport.az saytı xəbər verir ki, tədbirdə gənclər və idman nazirliyinin idman şöbəsinin müdiri Elnur Məmmədov çıxış etdi:

“Ümummilli lider Heydər Əliyevin xatirəsinə həsr olunan avarçəkmə üzrə “Prezident kuboku”nun ölkə idmanında böyük rola, nüfuza malikdir. İldən-ilə beynəlxalq reqatanın iştirakçıları artır.

Bu günlərdə akademik avarçəkənimiz Diana Dımçenkonun Paris yay olimpiya oyunlarına vəsiqə qazanması bu idman növünün inkişafından xəbər verir.

Son dəfə biz Rio-2016-da iştirak etmiş, uğurlu nəticəyə nail olmuşduq. Ümid edirəm ki, bu dəfə də yaxşı mübarizə ilə yadda qalacağıq”.