Avropa reytinqində gerilədik

Avropa voleybol konfederasiyası qadın voleybolçulardan ibarət milli komandaların reytinqini açıqlayıb. Allsport.az xəbər verir ki, Avropa çempionatının oyunları başa çatdıqdan sonra açıqlanan siyahıda bəzi dəyişikliklər olub. Azərbaycan millisinin də mövqeyi dəyişib.

Qitə çempionatını sonuncu – 24-cü pillədə başa vuran millimiz turnirdə cəmi 54 xal qazanıb. Bu da millimizin xal hesabını 185-ə çatdırıb. Komandamız bu göstərici ilə Avropada 11-cidir.

Yığmamız ötən cədvəllə müqayisədə 5 pillə geriləyib. Millimizi Rusiya, Almaniya, Polşa, Xorvatiya və Belçika keçib.

Cədvələ 248 xalla Serbiya millisi başçılıq edir. İtaliya (244) 2-ci, Türkiyə (236) 3-cü pillədə yer alıb.