Vüqar Bayramov oynadı, komandası qalib gəldi

Milli komandamızın voleybolçusu Vüqar Bayramovun Misir Superliqasında şərəfini qoruduğu «Smoha» klubu dünən növbəti matçına çıxıb.

Allsport.az saytı xəbər verir ki, İsgəndəriyyə təmsilçisi 14-cü turda səfərdə «Tehed» komandası ilə görüşüb. Oyun 3:0 həmyerlimizin formasını geyindiyi kollektivin xeyrinə bitib.

Hazırda «Smoha» maksimum nəticə ilə yarış cədvəlində liderliyini davam etdirir. Millimizin voleybolçusu bu matçda da forma geyinib və mübarizədə ən yaxşılardan olub. O, 9 xal toplayıb.