“Xarı Bülbül Şuşa” ardıcıl ikinci qələbəsini qazanıb

Bu gün kişi voleybolçular arasında Azərbaycan çempionatında növbəti oyun keçirilib.

Allsport.az xəbər verir ki, “Xarı Bülbül Şuşa” MOİK ilə üz-üzə gəlib.

2 gün öncə “Neftçi”ni məğlub edən Ziya Rəcəbovun komandası autsayderi də məğlub edib. Düzdür, oyuna MOİK daha yaxşı başlayıb. Gərgin mübarizə şəraitində keçən ilk set 27:25 hesabı ilə yekunlaşıb. Amma “Xarı Bülbül Şuşa” növbəti setlərdə daha diqqətli oynayaraq, 3:1 hesab ilə qalib gəlib. Bu qələbə ona ikinci pilləni ələ keçirmək imkanı verib. “Hərbçilər” isə turnir cədvəlinin son pilləsində qərarlaşılar.

19:00. MOİK – “Xarı Bülbül Şuşa” – 1:3 (27:25, 22:25, 22:25, 17:25)