Xorvatiyaya uduzduq, Polşaya qalib gəldik

Xəbər verdiyimiz kimi, 26 sentyabr – 4 oktyabrda Belçika və Niderlanda qadın voleybolçuların Avropa çempionatı keçiriləcək. Allsport.az saytı xəbər verir ki, qitənin ən güclü yarışına Sloveniyada hazırlaşan Azərbaycan millisi 2-ci yoxlama matçına çıxıb.

Qızlarımız polşalı həmkarları ilə görüşüblər. Matç Faiq Qarayevin komandasının 3:1 hesablı qələbəsi ilə bitib. İlk sınaq oyununda millimiz Xorvatiya yığmasına 0:3 uduzub. Hazırlıq çərçivəsində bizimkilər Sloveniya kollektivi ilə də qüvvəsini sınayacaq.