Yelizaveta Səmədova İtaliya “A seriya”sında!

Qadın millimizin voleybolçusu Yelizaveta Səmədova gözlənildiyi kimi karyerasını ölkə xaricində davam etdirəcək. Allsport.az saytı xəbər verir ki, toppaylayıcımız İtaliya “A seriya”sında çıxış edəcək.

“Telekom”un keçmiş üzvü “Savino Del Bene” ilə anlaşıb. 22 yaşlı yığma üzvü Florensiya təmsilçisini seçdiyi üçün xoşbəxt olduğunu deyib. Bu işdə azərbaycanlı menecer İlqar İmamquliyevin böyük rolu olub.