Yeniyetmə yunan-Roma güləşçilərimizdən növbəti 1 qızıl və 1 gümüş medal

Gürcüstanın Rustavi şəhərində dünya çempionu Temo Kazaraşvilinin şərəfinə beynəlxalq turnir başa çatıb. Allsport.az saytı xəbər verir ki, yeniyetmə yunan-Roma güləşçilərimizdən ibarət millimiz böyük məşqçi Bəhram Mürvətov və məşqçi Fuad Əliyevin rəhbərliyi ilə yarışın 2-ci günündə 1 qızıl və 1 gümüş medal qazanıb.

Bütün rəqiblərindən üstün olan Nihat Məmmədli (46 kq) 1-ci olub. Finalda komanda yoldaşına uduzan Həsrət Cəfərov 2-ci yerlə kifayətlənib.

Məlumat üçün bildirək ki, bu il yeniyetmə güləşçilərin Avropa çempionatı 24-30 iyulda Bosniya və Hersoqovinada, dünya çempionatı 4-10 sentyabrda Yunanıstanda baş tutacaq.