Daha 2 çempiona yüksək etimad

Sərhəd mühafizəsinin 100-illiyinə yeniyetmə sərbəst güləşçilərin açıq kubok yarışmasında “Sərhədçi” 1-ci, Gəncə 2-ci, Şamaxı komandası 3-cü yer tutublar. Allsport.az saytı xəbər verir ki, tədbirdə diqqət çəkən digər məqam əsas millinin kapitanı, olimpiya mükafatçısı Cəbrayıl Həsənovla 3-qat dünya və Avropa çempionu Hacı Əliyevin yaşıl xidməti geyimində olmalarıdır.

Vitse-prezident Firdovsi Umudovun təşəbbüsü, güləş federasiyasının dəstəyi və dövlət sərhəd xidmətinin etimadı nəticəsində bu 2 titullu idmançımız da işlə təmin olunublar. Qeyd edək ki, adı çəkilən polkovnik-leytenant “Sərhədçi” olimpiya-idman mərkəzinin rəis müavinidir.