Yunan-Roma güləşçilərimiz U-23 Avropa çempionatında

4-10 martda Serbiyanın Novi Sad şəhərində U-23 Avropa çempionatı keçiriləcək.

Allsport.az saytı xəbər verir ki, yarışın ilk 3 günündə yunan-Roma güləşçiləri mübarizə aparacaqlar. Millinin böyük məşqçisi Rövşən Bayramov və məşqçisi Emin Əhmədovun rəhbərliyi ilə 8 bahadır ilin ilk ciddi sınağına çıxacaq.

Bunlar Ziyad Zeynalov (55 kq), Mikayıl Rəhmanov (60 kq), İslambek Dadov (72 kq), Nəsir Həsənov (77 kq), Eltun Vəzirzadə (82 kq), Nəzərşah Fətullayev (87 kq), Arif Niftullayev (97 kq) və Sərxan Məmmədovdur (130 kq).